Антонио Конте имаше само пофални зборови за Кристијано Роналдо пред мечот на неговиот Тотенхем со Манчестер јунајтед, велејќи дека нема да го потцени Португалецот, кој лани „самиот“ го победил неговиот тим.
Во претходниот меѓусебен дуел на стадионот на Тотенхем, Роналдо имаше хет-трик, но оваа сезона тој се мачи со минутажа под Ерик Тен Хаг и реагираше луто кога беше заменет во 72. минута од мечот против Њукасл.
„Дали се сомневам во формата на Роналдо? Јас сум последниот кој треба да одговори, бидејќи лани имаше хет-трик против нас. Лани загубивме од него, а не од Манчестер јунајтед. Зборувамее за врвен играч, кој прави разликаа во секој тим во ко игра. Кристијано, заедно со Меси се запишани во историјата на фудбалот во последните 10 или 15 години. Имам огромна почит кон него, посебно за неговиот професионализам“, вели Конте.