Наполи двапати имаше предност, но на крајот мораше да се задоволи само со 2:2 реми против расположената Аталанта, второ реми во низа за тимот на Карло Анчелоти, кој полека го губи ритамот со Јувентус и Интер.
Никола Максимовиќ им донесе водство на „Партенопеи“ уште во 16. минута од мечот, но Аталанта во 41. минута од мечот успеа да израмни Ремо Фројлер. Аркадијуш Милик повторно донесе водство за домаќините во 71. минута од мечот, по што следуваше најконтроверзниот момент на мечот.
Dal rigore al gol subito. Il Napoli si infuria, espulso Ancelotti
Momenti di tensione al San Paolo: fallo in area su Llorente non visto dall’arbitro, sul proseguo dell’azione l’Atalanta trova il pareggio. https://t.co/4vJMdfPyyR pic.twitter.com/5zeH1XIYBx— ilnapolista (@napolista) October 30, 2019
Јосип Иличиќ во 86. минута ги постави конечните 2:2 по контроверзна акција, откако претходно Кјер го „нокаутираше“ Љоренте во шестнаесетникот на Аталанта, а судијата не покажа ништо, исто како и ВАР-системот. Карло Анчелоти ги загуби нервите и доби црвен картон.
Аталанта останува на импресивното трето место во Серија А со 21 поен, два помалку од второпласираниот Јувентус (со меч помалку) и четири зад лидерот Интер, додека Наполи се четврти со 18 поени.