Македоснкиот репрезентативец, Тихомир Костадинов, кариерата ќе ја продолжи во Полска. 25-годишникот, го напушти Ружомберок и потпиша три и пол годишен договор со Пјаст Гливице.
Костадинов по шест години ја напушти Словачка , каде покрај во Ружомберок играше и За Бањска Бистрица и Злате Моравце.
„Добивме уште еден перспективен играч, репрезентативец на својата земја. Имаме добра можност да ги искористиме неговите квалитети. Верувам дека под палката на Валдемар Форналик, фудбалерот ќе покаже сиот свој потенцијал и дека ќе им донесе многу радост на нашите навивачи“, изјавил за клупскиот сајт, претседателот Гжегож Беднарски.
Играчот од средниот ред е стандарден во македонската репрезентација. Дебитираше во националниот тим во 2019 година, играше на Европското првенство. Досега одиграл 16 натпревари за репрезентацијата на македонија.