По освојувањето на титулата во Ла лига, сите навивачи на Барселона се фокусирани кон големото прашање – дали клубот ќе успее да го врати во Каталонија нивниот херој, Лионел Меси.
Се очекува Аргентинецот да си замине од Пари Сен-Жермен по крајот на сезоната, но Барса уште нема поднесено конкретна понуда, откако од Саудиска Арабија дојде супер-богата понуда вредна стотици милиони евра, како и интересот на американските клубови. Спортскиот директор на Барса, Жорди Кројф, кој заминува на крајот на сезоната, признава дека првиот чекор треба да биде одобрувањето на планот на Ла лига за финансиска консолидација на тимот.
„Неговото пристигнување зависи само од Меси, но од друга страна и од економскиот ферплеј кој Ла лига ќе ни го утврди. Очекуваме брза одлука“, вели Кројф за „Мундо депортиво“.