Клубот од Бело Хоризонте, Крузеиро не го одигра последниот меч од бразилската Серија А, откако навивачите почнаа да корнат седишта и да ги гаѓаат своите фудбалери, бидејќи првпат во историјата клубот испаѓа од бразилската елита.
Дуелот со Палмеирас мораше да биде прекинат на пет минути пред крајот, откако гостите постигнаа втор гол за 0:2 водство, по што се случи вистински хаос на трибините. Полицијата интервенираше додека навивачите фрлаа објекти на теренот.
На Крузеиро им беше потребна победа во последниот меч од сезоната и надеж дека Сеара, тимот кој стартуваше со два поени пред нив ќе загуби од Ботафого. Сеара на крајот остана 1:1 и ја заврши сезоната со 39 поени, три пред Крузеиро.
Ова е само последен удар за навивачите на клубот, откако во мај директорите на клубот беа обвинети за корупциски скандал, по што сменија дури четири тренери во 38-те кола во шампионатот, од кои последниот минатата сезона.
Тие испаѓаат заедно со ЦСА, Шапекоенсе и Аваи. Фламенго ја освои титулата во Бразил, како и Копа Либертадорес. Во топ 6, односно со пласман на Копа Либертадорес следната сезона се и Сантос, Палмеирас, Гремио, Атлетико Параненсе и Сао Пауло.
For the first time in the club’s 98-year history, Brazilian club Cruzeiro have been relegated from Serie A pic.twitter.com/aHvRb3RoCV
— B/R Football (@brfootball) December 8, 2019