Фабио Кваљарела го постигна својот 22. гол во Серија А оваа сезона (со што е најдобар стрелец во лигата на 36 години), и додаде уште една асистенција за Сампдорија со 2:0 да го добие Дерби дела лантерна против градскиот ривал Џенова.
Иако двата клуба не се во борба за висок пласман (повторно), дербито е едно од најголемите во Италија и „Мараси“ беше преполн со бучни навивачи. Грегоар Дефрел им донесе водство на домаќините уште во третата минута од мечот кога Кваљарела одлично му асистираше.
KO 2pm Serie A live Samp v Genoa from Marassi for many Italians it’s the best derby in Italian Calcio promises to be electric both fans are in full voice Quagliarella is something else & Kouame is class with fantastic skill .. bring it on pic.twitter.com/8IuMvjhq9x
— john_NUFC42 (@john_nufc42) April 14, 2019
Ситуацијата за тимот на Горан Пандев се влоши во 51. минута, кога Давиде Бираски играше со рака во шестнаесетникот и доби црвен картон. Кваљарела без проблем од белата точка го удвои водството.
Сампдорија се деветти во Серија А со 48 поени, додека Џенова уште го нема осигурано опстанокот во лигата – Грифоне се на 15. место со 34 поени, шест над зоната за испаѓање на шест кола пред крајот.
СЕРИЈА А, 32.КОЛО
Торино – Каљари 1:1
Фиорентина – Болоња 0:0
Сампдорија – Џенова 2:0
Сасуоло – Парма 0:0