Нема доказ дека играчот на Кадиз, Хуна Кала, расистички го навредил фудбалерот на Валенсија, Муктар Дијакаби, објави Ла Лига. Во неделата, Дијакаби, а потоа и целиот тим на Валенсија, го напуштија теренот во Кадиз, бидејќи Кала на Дијакаби му се обратил со зборовите: „црне..о гом.о, сега повторно ќе плачеш“.
Шпанската јавност, секојдневно се занимаваше со овој случај, во вторникот, Кала на прес-конференција негираше дека го навредил противникот и порача дека јавноста „тргна во лов на вештерки“. На овој прес, од Валенсија, одговорија со зборовите: „Лажеш, не ти веруваме“.
Ла Лига тврди дека спровеле темелна истрага и дека не нашле никаков доказ дека Кала со тие зборови му се обратил на Дијакаби.
Одлуката ќе предизвика различни реакции кај клубовите, а извесно е дека најмалку задоволен ќе биде Дијакаби, кој со солзи во очите го напушти теренот во Кадиз.