Шпанската Ла Лига подготвува казна за фудбалерот на Реал Мадрид Лука Јовиќ поради кршење на правилата за самоизолација и социјално дистанцирање.
Јовиќ кој е повреден и не тренира со колегите од Реал на „Инстаграм“ објавил фотографии како прави скара со пријателите.
Ова не е прв пат Јовиќ да ги криши протоколите откако започна пандемијата со коронавирусот. Напаѓачот неколку пати поради не фудбалски работи беше во центарот на вниманието на шпанските и српските медиуми.
Реал сигурно ќе го казнат фудбалерот, а веројатно тоа ќе го направи и Ла Лига. Челниците на Ла Лига од шпанската влада добија јасни насоки како да се однесуваат додека се подготвуваат за ре-старт на сезоната. Клубовите мора да ги почитуваат протоколите за социјално дистанцирање.