Наполи ќе мора утре да не загуби од Удинзе за да ја запечати својата трета титула од Серија А, откако денеска Лацио не дозволи изненадување и ги победи Сасуоло со 2:0 за да ја одложи забавата во Неапол. Доколку не победеше на „Олимпико“, Наполи уште вечерва ќе беа шампиони.
Во другите мечеви од 33. коло од Серија А, Интер ја „здроби“ Верона со 6:0, но надежите на Милан и Рома за место во Лигата на шампионите полека се губат по неочекуваните нерешени мечеви – Милан едвај спаси поен дома против 19-пласираниот Кремонезе, додека Рома исто така одигра 1:1 на гости кај Монца.
Фелипе Андерсон уште во 15. минута ги донесе Лацио во водство на „Олимпико“, а неизвесноста траеше до 92. минута, кога Тома Башиќ го удвои водството. Интер пак, со по три гола во двете полувремиња стигна до неверојатна победа кај Верона – по два гола постигнаа Лаутаро Мартинез и Един Џеко.
Нивните градски ривали Милан, се спасија од засрамувачки пораз од Кремонезе со гол во 94. минута. Дејвид Окереке ги донесе гостите во водство во 77. минута, за надежите на Милан за топ 4 пласман да ги спаси Жуниор Месијас во самиот финиш на мечот.
СЕРИЈА А, 33.КОЛО
Милан – Кремонезе 1:1
Лацио – Сасуоло 2:0
Монца – Рома 1:1
Верона – Интер 0:6