Лацио забележа лесна и убедлива победа на гостувањето кај Каљари. Екипата на Мурицио Сари победи со 3:0 и остана во трката со екипите кои се борат за местата во европските купови.
Серијата голови на Сардинија ја отвори најдобриот стрелец на Лацио, Чиро Имобиле во 19.минута. Победата Лацио ја обезбеди во финишот на првото полувреме, кога Луис Алберто го постигна вториот гол.
Конечниот резултат го постави Фелипе Андерсон во 62.минута.
Лацио натпреварот го заврши со фудбалер помалку. Во 89.минута Адам Марушиќ го доби вториот жолт картон.
Лацио се седми на табелата со 46 бода, Каљари се на 17.место со три бода повеќе од опасната зона.