Барселона синоќа им приреди уште едно разочарување на своите навивачи. На „Можуик“, Барселона одигра 3:3 со претпоследниот тим на табелата во Шпанија, Гранада.
Ремито против Гранда дефинитивно стави крај на надежите на Барселона дека ќе може да ја одбрани титулата. Играчите на тренерот Чави два пати имаа минус од еден гол, успејаа да изедначат но не и да победат.
По натпреварот, како што пренесуваа локалните медиуми, претседателот на клубот Џоан Лапорта дивеел во ВИП ложата.
„Лапорта целосно полуде по мечот со Гранада, фрлаше чинии и во ВИП лошата“, пишуваат локалните медиуми.
Претседателот на Барселона потоа заминал во соблекувалната.
„Џоан Лапорта, придружуван од Рафа Јусте, веднаш отиде во соблекувалната и одржа говор пред тимот. Тие го напуштија стадионот „Монжуик“ дури околу 12:30 часот“, пренесува каталонското радио.