Top Sport

Леао: Почетокот во Милан беше многу тежок, Златан многу ми помогна

Ѕвездата на Милан и минатогодишен МВП во Серија А, Рафаел Леао се потсети на пристигнувањето во Серија А и на неговиот однос со Златан Ибрахимовиќ, кој му помогнал во адаптирањето на неговата игра.

dobivaj vesti na viber

Португалецот пристигна на „Сан Сиро“ во 2019 година од Лил за 29.5 милиони евра, и израсна во еден од најдобрите фудбалери во италијанската Серија А, и со две години од неговиот договор со „росонерите“, во клубот главна цел е да ги спречат Челси да го убедат напаѓачот за трансфер.

„Првите две години во Милан беа многу тешки. Дојдов од Франција, каде што лигата беше помала и животот беше многу поинаков. Кога ќе пристигнете во клуб како Милан, веднаш знаете дека мора да победувате, дека многу легенди го носеле овој дрес и освојувале многу трофеи. Тоа го чувствувате веднаш, и по транзицијата станав друг човек и друг играч. Во овој период, најмногу ми помогна моето семејство, тренерот Пиоли и Ибра, кој постојано внимаваше на мене. Златан е вистински пример, ме научи колку е важно да останеш фокусиран, дури и надвор од теренот. Честопати разговараме, не како колеги или професионалци, туку како обични луѓе“, вели Леао.

Scroll to Top