Ленс го освои „Велодром“ за второ место во Франција

И покрај фантастичните инспирирани 15 минути на Димитри Паје, Олимпик Марсеј загуби дома со 2:3 од Ленс, кои изненадувачки се искачија на второто место во француската Лига 1 зад недостижните Пари Сен-Жермен.

Човек на мечот за Ленс беше Флоријан Сотока – тој прво во 9. минута од пенал ги донесе гостите во водство, за во 27. минута да му асистира на Франковски за 0:2. Потоа на сцена стапи Паје, кој во 33. минута намали на 1:2, за во 45. минута од пенал да израмни на 2:2. Човек на одлука на мечот беше повторно Сотока, кој му аситираше на Весли Саид во 71. минута за голема победа на Ленс.

ЛИГА 1, 8.КОЛО

Марсеј – Ленс 2:3

Бордо – Рен 1:1

Брест – Мец 1:2

Ремс – Нант 3:1

Троа – Анжер 1:1

Клермон – Монако 1:3