Поранешниот англиски шампион Лестер сити ќе го прослави денот кој требаше да биде 61. роденден на Кун Вичаи Шриваданапраба со пиво и колачи за фановите на саботниот меч од Премиер лигата против Бурнемаут.
Вичаи во октомври загина откако неговиот хеликоптер падна во близина на стадионот „Кинг Пауер“ по 1:1 ремито со Вест хем. 60-годишниот тајландски сопственик на „лисиците“ ги крена Лестер од третата лига до титулата во Премиер лигата во 2016 година.
„Да се одбележи роденденот на Вичаи Шриваданапраба и да се заблагодариме на ’Сината армија’ за поддршката оваа сезона, потпретседателот на клубот Ајават и целото семејство Шриваданапраба за сите носители на билети ќе обезбедат пиво ’Чанг’ и колачи. Гостопримливоста кон верните навивачи на ’лисиците’ секогаш беше заштитен знак на Кун Вичаи“, се вели во соопштението на клубот.
#lcfc fans attending #LeiBou are invited to celebrate our late Chairman’s birthday with a free beer or water and a cupcake on the Srivaddhanaprabha family.
— Leicester City (@LCFC) March 28, 2019