Кемар Руф постигна хет-трик, Езѓан Алиоски имаше една асистенција за Лидс јунајтед да стигнат до 3:1 победа на гостувањето кај Квинс Парк Ренџерс во англискиот Чемпионшип, но потегот на денот го направи голманот на гостите, Феликс Видвалд.
Во последните моменти од натпреварот и со водство од 2:0, дефанзивецот на КПР, Павел Вшолек упати едно безопасно додавање во боксот по изведувањето на корнерот, но Видвалд некако успеа да се збуни и да прими гол. Руф додаде уште еден гол по овој гол за Лидс сигурно да ги освои трите поени за да дојде на 7. место во англиската втора лига.