Баерн Минхен продолжи со активноста во летниот преоден рок, откако Лидс јунајтед потврдија дека го купија поранешниот шпански младински репрезентативец, Марк Рока.
Шпанскиот фудбалер о средниот ред потпиша тригодишен договор со тимот на Џеси Марш, и премиерлигашот ќе плати 12 милиони евра за трансферот со дополнителни 5 милиони евра како бонуси. Еспањол ќе добие околу 20 отсто од трансферот, откако Рока пристигна од шпанскиот клуб во 2020 за 9 милиони евра.
„Ова е ново искуство и предизвик за мене. Лидс решија да ми дадат шанса, и ќе направам се што е можно да им вратам за довербата. Премиерлигата е најдобрата лига на светот, а историјата на Лидс е неверојатна“, изјави Рока.
Рока е трето засилување за Лидс оваа сезона по двата фудбалери кои исто така дојдоа од Бундеслигата, од поранешниот клуб на менаџерот Марш, РБ Лајпциг – американскиот напаѓач Бренден Аронсон (24.7 милиони фунти) и данскиот дефанзивец Расмус Кристенсен (10 милиони фунти).
✍️ #LUFC can today announce Marc Roca will join the club on July 1st 2022, after an agreement was reached with Bayern Munich
— Leeds United (@LUFC) June 17, 2022