Претходната верзија влезе во историјата, вели Гери Линекер. Славниот англиски голгетер и креатор на славната изјава „Германците секогаш победуваат“ вели дека по шокантната елиминација на Германија во групната фаза тоа веќе не вреди.
Популарниот ТВ-водител, по лудата победа од 2:1 против Шведска ја „апдејтираше“ изјавата, со доза на восхит кон „маншафт“.
„Фудбалот е едноставна игра, 22 луѓе трчаат по топката 82 минути, а потоа Германците добиваат црвен картон, по што 21 луѓе трчаат по топката 13 минути и на крајот Германците некако еб.но победуваат“, напиша тогаш на Твитер.
Сега, по 2:0 поразот од Јужна Кореја во едно од најголемите изненадувања во историјата на Мудијалите, Линкер ја даде конечната верзија.
Football is a simple game. Twenty-two men chase a ball for 90 minutes and at the end, the Germans no longer always win. Previous version is confined to history.
— Gary Lineker (@GaryLineker) June 27, 2018
„Фудбалот е едноставна игра, 22 луѓе трчаат по топката 90 минути и на крајот, Германците веќе не победуваат секогаш. Претходната верзија влезе во историјата“, објасни Линекер.
Потоа, тој со доза на задоволство им порача на Германците.
„Германците се во аут. Mein Gott. Auf Wiedersehen“, им порача Линекер по крајот на неговата емисија на „Би-би-си“.