Ливерпул е близу, многу близу до титула во ПЛ, прва после цели 30 години, а вечерва тимот на Јирген Клоп се враќа на „Енфилд“ по 104 дена пауза.
Противник на „црвените“ е Кристал Палас, а меот ќе се игра без публика.
Сепак, навивачката организација го украси стадионот со знамиња, шалови, пароли, транспаренти и останати навивачки реквизити.
Уште од порано клубот напиша: „Нема да биде исто без вас, но тоа не значи дека сме сами“.
Тука е и пораката на Јирген Клоп:
„Кога ќе дојдам на своето место на стадионот пред почетокот на мечот, секогаш гледам кон `Коп`, и секогаш е неверојато, затоа што имаме толку многу заеднички искуства и спомени. Им благодарам на сите кои вложиле толку душа во ова, неверојатно е“.
На Ливерпул во последните 8 кола му недостасуваат 5 бодови за и математички да ја освои титулата.
AND NOW YOU’RE GONNA BELIEVE US… pic.twitter.com/6G8Eltwk8M
— Spion Kop 1906 (@SpionKop1906) June 24, 2020