Љоренте го продаде дресот во кој го покори „Енфилд“

Неколку дена пред да бидат суспендирани во целост фудбалските натпревари во цела Европа на „Енфилд“, Ливерпул и Атлетико Мадрид го одиграа осмина-финалниот реванш во Лигата на шампионите.

Крајно драматичниот реванш им припадна на фудбалерите од Мадрид. По продолженијата Атлетико победи на „Енфилд“ со 3:2 и го елиминира бранителот на титулата.

Херој на „јорганџиите“ беше Маркос Љоренте. Играчот од редот за врска влезе во игра во второто полувреме, а во првото продолжение постигна два гола со кои ја поништи предноста на Ливерпул, а потоа во 120 минута му асистираше на Мората кој ги постави конечните 2:3.

Деновиве Љоренте на акција го стави дресот кој го носеше на „Енфилд“. Неговиот дрес достигнал цена од 8.100 евра. Парите 24 годишниот фудбалер ќе ги донира во борбата против коронавирусот.