Русија има совршен старт на натпреварите во новото издание на Лигата на нации, откако на тешкото гостување кај Унгарија стигна до 3:2 победа, носејќи ги трите поени од Будимпешта откако водеа со 0:3.
Антон Миранчук го отвори резултатот во 15. минута, пред Магомед Оздоев да зголеми на 0:2 во 34. минута. Марио Фернандеш, Бразилецот со руски пасош, во 46. минута зголеми на 0:3, најавувајќи катастрофа на Унгарците, пред тие да имаат храбар камбек. Роланд Салаи во 62. минута намали на 1:3, пред ветеранот Немања Николиќ да ги постави конечните 2:3 во 70. минута. Русија по 3:1 победата над Србија во првиот меч има максимални 6 поени во третата група во Лига Б.
До прва победа во новиот циклус стигнаа Финците, кои со 1:0 славеа во Даблин над Ирска, благодарение на Фредерик Јенсен, кој влезе во игра во 63. минута и даде гол следната минута. Тука Велс со максимални 6 поени е лидер пред Финска со 3 и Ирска и Бугарија со 1 поен.
ЛИГА НА НАЦИИ, 2.КОЛО
ЛИГА Б
Велс – Бугарија 1:0
Ирска – Финска 0:1
Унгарија – Русија 2:3
ЛИГА Ц
Словенија – Молдавија 1:0
ЛИГА Д
Андора – Фарски Острови 0:1
УНГАРИЈА – РУСИЈА
ИРСКА – ФИНСКА
СЛОВЕНИЈА – МОЛДАВИЈА