Реал Мадрид требаше да остане со играч повеќе за да „извлече“ 2:2 реми во дуелот со Бриж во Лигата на шампионите за нова „бледа“ партија на тимот на Зинедин Зидан, додека Аталанта во својот прв домашен меч во ЛШ (иако го играа на „Сан Сиро“ во Милано), го доживеа вториот пораз во групата со драматична завршница и гол во 95. минута за 1:2 пораз од Шахтјор Доњецк.
Стартот не можеше да биде полош за Реал, кој во првото коло доживеа 3:0 пораз од Пари Сен-Жермен на гости, откако во деветтата минута, Нигериецот Емануел Денис успеа да го совлада Тибо Куртоа за „молк“ на „Сантијаго Бернабеу“. Реал потоа ја имаше играта, но во 38. минута, гостите од Белгија добија 0:2 предност, откако Денис успеа да „прекрати“ една топка на Лука Модриќ и повторно лице-во-лице со Куртоа да го совлада белгискиот голман.
Зидан на полувремето реши да го повлече Куртоа од голот и на неговото место да го постави Алфонс Ареола. Предноста на Бриж успеа да ја намали капитенот Серхио Рамос во 55. минута со убав гол со глава, а во финишот на мечот, во 84. минута, капитенот на Бриж, Руд Формер да добие втор жолт картон и Реал тоа веднаш го искористи откако по слободен удар, Касемиро беше на вистинското место за 2:2.
Во Милано, пак, Аталанта започна силовито – уште во 14. минута доби пенал, но Јосип Иличиќ не успеа да го реализира. Дуван Запата, сепак, во 28. минута носи предност за „Оробичи“, но славјето трае до 41. минута кога Жуниор Мораеш израмнува.
Кога навивачите на Аталанта се помирија дека ќе го прослават првото реми и првиот поен во ЛШ, на сцена стапи Израелецот Манор Соломон, кој донесе голема победа за украинскиот шампион.
ЛИГА НА ШАМПИОНИ, 2.КОЛО
ГРУПА А
Реал Мадрид – Клуб Бриж 2:2
Галатасарај – Пари Сен-Жермен 21.00 ч.
Табела: 1.ПСЖ 3, 2.Бриж 2, 3.Галатасарај 1, 4.Реал Мадрид 1
ГРУПА Ц
Аталанта – Шахјтор 1:2
Манчестер сити – Динамо Загреб 21.00 ч.
Табела: 1.Динамо З. 3, 2.Манчестер сити 3, 3.Шахтјор 3, 4.Аталанта 0
РЕАЛ МАДРИД – КЛУБ БРИЖ
АТАЛАНТА – ШАХТЈОР