По поразите за Ливерпул и Челси во вторникот, ниту на Тотенхем не им „тргна“ на стартот на Лигата на шампионите, откако несфатливо пропуштија 0:2 водство на гости кај Олимпијакос за старт со 2:2 реми.
Финалистите од минатата сезона за четири минути постигнаа два гола за 2:0 водство во првото полувреме – прво Хери Кејн постигна гол од пенал во 26. минута, за во 30-тата минута Лукас Моура со убав гол да зголеми на 2:0.
Меѓутоа, Португалецот Даниел Поденсе успеа да намали на 2:1 пред крајот на полувремето со одличен соло-гол, по што на стартот на второто полувреме беше досуден пенал за грчкиот тим, кој ветеранот Матју Валбуена прецизно го реализираше.
Во вториот ран меч од ЛШ, во групата А, белгискиот Бриж и турскиот Галатасарај одиграа само 0:0.
ГРУПА А
Клуб Бриж – Галатасарај 0:0
Пари Сен-Жермен – Реал Мадрид 21.00 ч.
ГРУПА Б
Олимпијакос – Тотенхем 2:2
Баерн Минхен – Црвена звезда 21.00 ч.