Турција и Хрватска го одиграа најинтересниот пријателски меч денеска, откако на стадионот на Бешикташ во Истанбул по многу пресврти мечот заврши 3:3.
Турција поведе во 23. минута од мечот со голот на Ченк Тосун од пенал, но Хрватите се вратија девет минути подоцна преку напаѓачот на Осасуна, Анте Будимир, пред во 41. минута, Турција повторно да поведе преку Дениз Туруч.
Стартот на второто полувреме беше „лудачки“ – Хрватска успеа да направи пресврт, прво израмнувајќи преку Марио Пашалиќ во 53. минута, за две минути подоцна Јосип Брекало да донесе 2:3 водство за „коцкестите“. Радоста не траеше долго – Ченгиз Ундер две минути подоцна постигна гол за 3:3.
ПРИЈАТЕЛСКИ МЕЧЕВИ
Црна Гора – Казахстан 0:0
Литванија – Фарски Острови 2:1
Малта – Лихтенштајн 3:0
Романија – Белорусија 5:3
Сан Марино – Летонија 0:3
Бугарија – Гибралтар 3:0
Турција – Хрватска 3:3