Фудбалската репрезентација на Македонија, утре ќе ги добие противниците за новата сезона во Лигата на нации.
Во третата сезона, Македонија, ќе се натпреварува во Ц-дивизијата. Македонија се наоѓа во вториот шешир, заедно со Грција, Белорусија и Луксмебург.
Носители на ждрепката во оваа дивизија се: Турција, Словачка, Бугарија и Северна Ирска.
Натпреварите ќе се играат во јуни и септември наредната година. Првото и второто коло на програмата ќе бидат од 2. до 8.јуни, третото и четвртото од 8. до 14.јуни, а последните две кола ќе се одиграат од 22. до 27.септември.
Првото место во групата носи пласман во Б-дивизијата.
Завршниот турнир на четири најдобри репрезентации од А-дивизијата ќе се одржи во јуни 2023 година.
Фото/ffm.mk