Манчестер јунајтед испратиле официјална понуда до менаџерот на фудбалерот на Баерн Минхен, Давид Алаба.Австриецот нема да го продолжи договорот со Баерн, кој истекува на крајот од сезоната, што значи дека од 1.јануари може да преговара со други клубови.
Манчестер јунајтед, први од заинтересираните тимови за услугите на Алаба, испратиле понуда до неговиот менаџер Пини Захави. Финансиските детали не се објавени.
Покрај Манчестер јунајтед, за Алаба се интересираат Челси, Реал Мадрид, Барселона, ПСЖ и Јувентус.
Баерн се повлекоа од преговорите со фудбалерот, поради неговите финансиски барања. Алаба бара годишна плата од 25 милиони евра.
Алаба е во Баерн од 2009 година, досега одиграл 404 натпревари, постигнал 32 гола.