Бруно Фернандеш за нецела година во Манчестер јунајтед се профилираше во главен играч во тимот. Откако пристигна во Јунајтед тој е најдобар стрелец во тимот, а според бројот на асистенции е еден од најуспешните играчи во Премиер лигата.
Манчестер јунајтед за Португалецот подготвиле нов договор, актуелниот му истекува во 2024 година. Фернандеш ќе го продолжи договорот до 2025 година, а платата ќе му биде дуплирана.
Со актуелниот договор Бруно Фернандеш заработува 110.000 евра неделно. Иста неделна палата како Фернандеш имаа резервниот голман Дин Хендерсон, кој е иднината на клубот, но и Џеси Лингард, кој долго време не е во плановите на менаџерот Оле Гунар Солскјер.
Фернандеш од доаѓањето во Манчестер јунајтед постигнал 22 гола и забележал 14 асистенции на 37 одиграни натпревари.