Актуелните европски шампиони, фудбалерите на Италија, го одбраа потешкиот пат до Мундијалот во Катар. Азурите преку баражот ќе треба да обезбедат место на Светското првенство.
Италија, во последното коло, не успеа да ја победи Северна Ирска во Белфаст (0:0), а Швајцарија со триумфот над Бугарија (4:0), го освои првото место во групата.
„Во март ќе избориме пласман на Светското првенство, а потоа можеби и ќе го освоиме. Сигурен сум“, ја храбри нацијата селекторот Роберто Манчини.
„Штета, многу порано требаше да ги завршиме работите во групата. И покрај тоа што имавме контрола во сите натпревари се мачевме да постигнеме гол. Мораме повторно да го најдеме она што не издвојуваше од другите. И секако да се подготвиме за март. Сигурен сум дека ќе го поминеме баражот“, заклучил Манчини.
Во баражот ќе учествуваат 12 репрезентации, само три ќе се пласираат на Мундијалот.