Top Sport

Марка: Емери пред враќање во Валенсија

Иако Валенсија го поставија Алберт Селадес како нов тренер на тимот како замена за Марселино, неговиот договор трае до јуни 2021 година и според шпанскиот весник „Марка“ тоа значи дека поранешниот тренер на ПСЖ и Арсенал, Унаи Емери ќе се врати на „Месталја“.

Иднината на шпанскиот клуб е незвесна поради корона вирусот и финансиската криза предизвикана од болеста и не се знае кои фудбалери ќе останат на „Месталја“ и дали ќе се игра европски фудбал следната сезона.

Емери е без работа откако Арсенал го отпуштија на крајот на минатата година по слабите резултати, а има поврзаност со Валенсија преку семејството, а беше и тренер на клубот од 2008 до 2012.

Во осумте години од неговото заминување од клубот, Валенсија смени дури 12 тренери, а Марселино, кој со клубот ја освои титулата од Копа дел реј, остана најдолго – две години. Иако Емери ги подели навивачите на Валенсија, не може да се заборави дека под него, клубот во три од четирите години успеваше да влезе во Лигата на шампионите.

Scroll to Top