Иако се веруваше дека ова лето ќе премине во Манчестер јунајтед, Џејмс Медисон потпиша нов четиригодишен договор со Лестер, ставајќи крај на сите шпекулации.
За 23-годишниот англиски репрезентативец, кој дојде во Лестер од Норич пред две години, беа заинтересирани повеќе премиерлигаши, во прв план Манчестер јунајтед. Медисон одигра 76 меча за Лестер, постигнувајќи 16 гола и 10 асистенции.
„Пресреќен сум што имам нов договор со мојот фудбалски клуб. Ова е одлично време да се биде фудбалер на Лестер, бидејќи се случуваат многу позитивни работи во клубот. Сакаме да покажеме за што сме умешни во Премиер лигата и во Европа во новата сезона“, вели Медисон.
Лестер ја почнуваат новата сезона со гостување кај новиот премиерлигаш, Вест Бромвич Албион на 12 септември.
A new four-year deal for @Madders10! ? pic.twitter.com/JwAZITjIUs
— Leicester City (@LCFC) August 24, 2020