„Над мене живее баба која има 75 години и секое утро ми вели: Играше добро!, а кога не сум одиграл како што треба, ќе ме удри по образот и ќе ми каже: Мораше подобро!“.
Ова го раскажа белгискиот фудбалер Дрис Мертенс (32) кој веќе 6 години ужива во Неапол, играјќи во тимот на Наполи.
Белгиецот вели дека потполно се навикнал на италијанскиот живот и на средината.
„Фудбалот во Италија е како некоја заразна болест, затоа што тука луѓето се заразени со љубовта кон фудбалот уште од кога ќе проодат. Тоа е фасцинантно. Јас станав Наполитанец, не ми се оди одовде“ – вели Мертенс.
Мертенс наскоро ќе го стигне по бројот на постигнати голови Диего Марадона кој има 115, а Белгиецот моментно е застанат на 114 гола.
Пред нив е сега веќе екс-капитенот на Наполи, Марек Хамшик кој има 121 гол.
„Сакам да го срушам рекордот на мојот пријател. Кој би рекол пред 7 години дека ќе оставам таква трага во овој прекрасен клуб“ – вели центарфорот на Наполи.
Dries Mertens has scored 114 goals for Napoli. Only two players in the history of the club have more:
– Marek Hamsik (121)
– Diego Maradona (115)He cost just £8.5m. What a signing.
— bet365 (@bet365) September 29, 2019