Белгискиот напаѓач на Наполи, Дрис Мертенс, кој од навивачите на клубот го доби прекарот Чиро, откри дека тој и неговата сопруга Кат Керкхоф очекуваат син, и најавија дека бебето ќе го носи токму тоа „наполитанско“ име: „Добредојде, бебе Чиро“.
„Нашите срца се полни со среќа сега кога ќе го пречекаме нашето мало наполитанско момче“, напиша Кат на Инстаграм.
34-годишниот Мертенс, кој има 365 настапи за Наполи, е миленик на публиката на „Диего Армандо Марадона“ и честопати самиот кажуваше дека Неапол е неговиот втор дом.
Покрај нов договор, Неапол ќе го прогласи Мертенс за почесен граѓанин!