Top Sport

Facebook Twitter

Меси се врати во Париз (Фото)

Фудбал Makfax / 04.01.2023

Фудбалерот на Пари Сен Жермен, Лионел Меси, светски шампион со Аргентина, денеска се врати во тренинг центарот на тимот, соопшти францускиот клуб.

Меси во понеделникот го напушти родниот град Росарио и вчера со семејството слета во Париз.

По големото славје по освоената титула на Мундијалот во Катар, аргентинскиот фудбалер доби неколкудневен одмор со семејството пред да им се приклучи на соиграчите.

Тој е последниот мундијалски играч кој се вратил во клубот.

Килијан Мбапе, неговиот противник во финалето, како и Ашраф Хакими, кој го освои четвртото место со Мароко, се вратија во Париз на 21. декември, само три дена по завршувањето на турнирот.

Scroll to Top