Top Sport

Михајловиќ го заврши вториот циклус од лекувањето и отиде на одмор во Рим

Српскиот фудбалски тренер, Синиша Михајловиќ е пуштен од болницата во Болоња откако го заврши вториот циклус лекување од леукемија, пренесуваат италијанските медиуми.

Стратегот на ФК Болоња го заврши вториот круг на хемотерапија во болницата „Сент Орсол“, а наскоро го очекува нов циклус лекување.

Михајловиќ болницата ја напушти во придружба на сопругата Аријана и отпатува кон Рим, каде ќе одмора наредните денови. Неговата идеја е по неколкудневниот одмор, да се врати во Болоња и да ги води тренинзите на екипата.

Сепак тој нема да може да ја води својата екипа на гостувањето во Торино кај Јувентус на 19-ти месецов затоа што тогаш треба да ја продолжи терапијата.

Првата фаза од третманот на екс-фудбалерот траеше 43, а ја почна во јули годинава. Втората фаза од лекувањето ја започна на 9 септември.

Пред 3 дена, Србинот седеше на клупата на Болоња на домашниот дуел со Лацио (заврши 2-2). При појавувањето на тревникот, Михајловиќ беше поздравен со овации од навивачите.

Scroll to Top