Синиша Михајловиќ признава дека бил задоволен од убедливата 3:0 победа над Лацио, но додава дека е исфрустриран од непостојаноста на неговиот тим.
Откако во последните три меча освоија еден поен, зголемувајќи ги шпекулациите дека Михајловиќ ќе добие отказ, на прославата на 112-годишнината од основањето на клубот во 1909 година, „Рособлу“ стигнаа до убедлива победа со променетата 3-4-2-1 формација на Михајловиќ.
„Бев сигурен дека ќе имаме добар меч, бидејќи кога ќе излезеш на теренот со вистински став, имаш шанса да победиш. Во првите седум кола недостасуваше постојаност и уште не ми е јасно зошто не можеме да го играме секој меч вака. Мојата тактика не беше важна, туку духот на тимот. Би сакал да играме понапаѓачки, но бидејќи примавме многу голови, решив да им помогнам на момците во одбраната. Системот, сепак, е на второ место, пред концентрацијата и фокусирањето“, вели Михајловиќ.