Етиопјанецот Сисај Лема е победник на маратонот во Лондон со време од 2:04:01 откако успеа да се одвои од водечката група во финишот на еделната трка.
Лема, кој беше на подиумот минатата година, ја помина целта со 27 секунди предност пред Кениецот Винсент Кипчума, додека неговиот сонародник Мосинет Геремев беше трет, додека актуелниот шампион, Шура Китата беше само шести.
Во женската трка, Кенијката Џојсилин Џепкосгеи триумфираше во своето деби во Лондон со време од 2:17:43, седмо најдобро време во историјата. Етиопјанката Дегиту Азимерав беше втора пред Ашете Бекере.
Ова беше првиот полн маратон во Лондон по повеќе од две години поради пандемијата на КОВИД-19 со над 40.000 учесници на 42.2 километарската рута од Блекхит до Бакингемската палата, откако лани трката беше ограничена само за професионалците.