Милан се единствени лидер во Серија А првпат по 10 месеци, а го имаат и најдобриот старт на една сезона од 2003/04, подгревајќи ги надежите на навивачите дека скудетото не е толку недостижно.
„Росонерите“ вчера со 2:0 ја победија Салернитана, додека Наполи загуби дома со 2:3 од Аталанта, поставувајќи интересни топ 4 во Серија А – Милан 38 поени, Интер 37 поени, Наполи 36 поени, Аталанта 34 поени.
Последен пат тимот на Стефано Пиоли беше прв на 13 февруари, пред шокантниот пораз од Специја. Интер потоа го победи Лацио и стана лидер, освојувајќи ја титулата со 12 поени предност пред градските ривали.
Милан имаат освоено 38 поени во првите 16 кола во Серија А, што е најдобар старт на сезона од 2003/04, кога го освоија скудетото.
Milan in testa da solo dopo 10 mesi. E non partiva così bene dal 2003 #SerieA https://t.co/ZpqwOkog0T
— La Gazzetta dello Sport (@Gazzetta_it) December 4, 2021