Спортскиот директор на Милан, Паоло Малдини, подготвил нов договор за Златан Ибахимовиќ.
На „Сан Сиро“ се задоволни од она што го прикажува фудбалерот, кој во октомври наполни 40 години. Сепак, свесни дека често отсуствува поради повредите, му нудат нов договор со помала плата.
Според актуелниот договор, Ибрахимовиќ заработува 7.000.000 евра годишно, во новиот договор предвидената плата е 3.000.000 евра плус 2.000.000 евра, преку разни клаузули, кои ќе се активираат според учинокот (одиграни натпревари, постигнати голови…).
Ибрахимовиќ во досегашниот дел од сезоната, во Серија А одиграл 15 натпревари, на кои постигнал осум гола.
Милан се први во Серија А, со бод повеќе од Интер и два од Наполи.