Илија Столица повеќе не е тренер на Партизан, а на црно-белата клупа се враќа Саво Милошевиќ.
Српски „Телеграф“, тврди дека клупската легенда Милошевиќ, наскоро ќе биде промовиран на местото на Столица, кој официјално беше сменет претпладнево по состанокот со клупските челници.
Илија Столица синоќа се прости од играчите, по елиминацијата од АЕК во Лига Европа.
Столица само 33 дена беше тренер на Партизан, го водеше тимот на шест натпревари, забележа само една победа.
Саво Милошевиќ од 2019 до 2021 година го предводеше Партизан, во тој период освои еден Куп на Србија.