Голманот на Ливерпул, Симон Мињоле, кариерата би можел да ја продолжи во Бешикташ. Турскиот клуб бил подготвен да плати 12 милиони фунти за белгискиот репрезентативец.
Бешикатш веќе ја испратил понудата до Ливерпул и според медиумите трансферот наскоро ќе биде реализиран.
Мињоле, во Бешикташ, треба да го замени Фабри, кој минатата недела се пресели во Фулам.
Белгиецот нема иднина на „Енфилд“, откако Ливерпул за рекордна сума го донесе голманот на Рома, Алисон Бекер. И покрај лошата форма на Лорис Кариус, Мињоле, по доаѓањето на Алисон е третата голманска опција во Ливерпул.