Официјално најдобриот фудбалер во светот, Лука Модриќ, открил дека атмосферата во екипата на Реал Мадрид, не била добра по поразот од ЦСКА (1:0) во лигата на шампионите.
Реал има два пораз и на последните три натпревари, на кои не успеа ниту да постигне гол. Претходно Реал одигра 0:0 со Атлетико и беше поразен 3:0 во Севилја.
„Не очекувавме дека тука ќе ги оставиме бодовите. Во овој момент атмосферата во соблекувалната на Реал не е најдобра. Ќе мора да најдеме сили да се вратиме во натпреварите што се пред нас“, рекол Модриќ и продолжил.
„Загрижувачки е што не можеме да постигнеме гол, но ќе го решиме и тој проблем. Не би кажал дека сме во криза, но дефинитивно не сме на нивото на кое треба да бидеме“.
Реал наредниот натпревар ќе го одигра в сабота, кога во осмото коло во Примера, ќе гостува кај Алавес.