Евертон и Вест Хем го одигра првиот натпревар во 2021 година, во англиската Премиер лига. На Гудисон парк, славеа гостите од Лондон, на чија клупа седи поранешниот тренер на Евертон, Дејвид Мојс.
Натпреварот во Ливерпул не понуди многу возбудувања, Евертон најдобрата шанса ја имаа во финишот на првиот дел преку Бернард, додека Вест Хем се заканија во 61.минута, кога ударот на Кресвел заврши над голот.
Единствениот гол на натпреварот го постигна Соучек во 86.минута. За чешкиот репрезентативец ова е петти гол во сезоната.
Вест Хем со оваа победа се искачија на 10.место со 26 бода, додека Евертон со првиот пораз во последните шест натпревари остана на четвртото место со 29 бода.