Во недела ќе се одигра првото Ел калсико оваа сезона. Реал, од 16:15 часот ќе ја пречека Барселона.
Двата тима, во дербито влегуваат со ист број на бодови, Барса е прва на тебелета благодарение на подобрата гол-разлика.
Шпанските медиуми ги пренесуваат зборовите кои тренерот на Реал, Карло Анчелоти наводно им ги кажал на своите играчи на тренингот во четвртокот.
„Барселона е мртва во моментов и единствениот начин да оживее е да не победат во недела. Не можеме да дозволиме повторно да не победат. Ова е финале“, рече Анчелоти.
Неговата изјава може дополнително да ги мотивира сите во Барселона, а токму мотивацијата може да биде пресудна на ваквите дуели.