Во ситуација во која на двата клуба очајно им се потребни поени, Ливерпул и Челси одиграа само 0:0 на „Енфилд“ во дербито на 21. коло на Премиерлигата, оставајќи ги двата клуба на 29 поени на осмото (Ливерпул) и десеттото (Челси) место на табелата со различна гол-разлика.
Во 1.000-тиот меч на Јирген Клоп како фудбалски тренер, тој се реши да го остави својот напаѓач од 100 милиони евра, Дарвин Нуњез на клупата, а на другата страна Греем Потер, исто така реши да го остави своето свежо засилување од 100 милиони евра, Михајло Мудрик, исто така на клупата. Челси почнаа подобро, и веќе во третата минута ја затресоа мрежата на Алисон, но судијата Мајкл Оливер по консултација со ВАР-системот го поништи голот на Каи Хаверц поради офсајд позиција во која се најде по додавањето од Тијаго Силва.
❌ El Chelsea se adelantó en Anfield pero el VAR anuló el gol de Havertz por fuera de juego.
¿Les parece posición ilegal del jugador alemán?pic.twitter.com/mLTZVPFMys
— 90min en Español (@90minEspanol) January 21, 2023
Притисокот на Челси траеше во текот на целото прво полувреме, но со малку вистински шанси пред голот на Ливерпул, пред на почетокот на второто, тежината на игра да се префрли на половината на Челси. Но, и тука Ливерпул немаше стоотстотни шанси. Нуњез и Мудрик на крајот добија шанса да влезат во игра, и украинското засилување на Челси покажа повеќе од својот талент со неколку интересни потези.
Mudryk is incredible 🤯pic.twitter.com/or82fyIyUz
— 🌊 (@Vintage_Cfc) January 21, 2023