Поранешниот директор за фудбал на Евертол, Стив Волш го предупредил Жозе Мурињо и Манчестер јунајтед да не даваат 75 милиони фунти за „големото бебе“ Ромелу Лукаку, но вели дека никој не го слушал.
Волш, кој претходно работеше со Мурињо во Челси, се обидел да им објасни на луѓето на „Олд Трафорд“ дека ќе се „коцкаат“ со „ментално слабиот“ Лукаку.
„Очигледно, работите не одеа добро во Јунајтед. Пеп Гвардиола призна дека неговиот успех 80 отсто доаѓа од вистинските трансфери, а Жозе Мурињо како да го заборави тоа. Не смееше да купува играчи само бидејќи беа достапни. Алексис Санчез е добар пример. Кога потпиша со Ромелу Лукаку му кажав: ’Треба да си внимателен, тој е големо бебе’. Тој е ист како Пол Погба – јас и само јас, без размислување за тимот. Само бидејќи се добри фудбалери не значи дека ќе направат добар тим“, вели Волш.
По заминувањето од Јунајтед ова лето, Лукаку игра како препороден со Интер на Антонио Конте, постигнувајќи девет гола во Серија А.