Жозе Мурињо вели дека му е доста од тоа судиите да добиваат суспензии за грешки кои ги направиле против неговата Рома, велејќи дека тоа не им помага.
Мурињо бараше објаснување откако ВАР-судијата Лука Банти побарал видео-преглед за дуелот помеѓу Рик Карсдорп и Нико Гонзалез во Фиорентина, што резултираше во пенал за Фиорентина за потврда на 2:0 победата. Банти беше суспендиран до крајот на сезоната од страна на Италијанската фудбалска федерација (ФИГЦ) по инцидентот.
„Веќе се уморив од казните за ВАР судиите и суспензиите по грешките кои ги направија против нас. Ако ги суспендираат, тоа значи дека вината е признаена, но кој ќе ни ги врати поените?“, се прашува Мурињо.
Судијата Фабио Мареска исто така беше суспендиран по 3:2 победата на Милан над Рома во септември.