Жозе Мурињо го започна својот мандат во Рома. Вчера одржа прес конференција, по која се појави список на играчи кои можат да го напуштат клубот. На овој список има осум фудбалери, кои нема да тренираат со првиот тим.
Новинарот на „Скај спорт Италија“, Анџело Маџианте, објави дека Рома можат да ја напуштат: Педро, Џастин Клајверт, Стиен Нзонзи, Робин Олсен, Хавиер Пасторе, Давиде Сантон, Анте Чориќ и Федерико Фацио.
Клубот веќе го напушти шпанскиот голман Пау Лопез кој се пресели во Олимпик Марсеј. Од наведените осум фудбалери, понуда да го напушти клубот веќе добил голманот Робин Олсен.
Шведскиот репрезентативец беше одличен на Европското првенство. За него интерес покажува Атлетико Мадрид. Олсен би требало да му биде резерва на Јан Облак.