Дербито на Рим се игра во недела, но судирот на лутите ривали Рома и Лацио веќе почна со изјави и „боцки“ преку медиумите, откако Жозе Мурињо очигледно се потсмеваше со директорот на Лацио, Игли Таре кој претходно ја нарече Конференциската лига на УЕФА, која Рома ја освои минатата сезона како „натпреварување за лузери“.
Иронично, Лацио ќе игра во таа „лига на лузери“ откако завршија трети во својата група во Лига Европа (израмнети со другите ривали), и Мурињо не можеше да не ликува за ова.
„Искрено, мислам дека Лацио се фаворити за Конференциската лига, исто како Вест хем, Фиорентина и Лестер лани. Не видов кој падна од Лига Европа, но Лацио се фаворити сега. Можеби проблемот е во тоа што господинот Таре не сака да го освои натпреварувањето бидејќи не му се допаѓа“, вели Мурињо.