Жозе Мурињо признава дека Тотенхем наскоро може да ги чувствува ефектите од трката за топ 4 пласман во Премиер лигата, но ветува дека следната година ќе биде „друга приказна“.
Тотенхем спаси 2:1 победа над Брајтон во четвртокот, четири дена по разочарувачкиот 0:2 пораз од Челси дома по што се три поени зад „сините“, кои загубија 0:2 од Саутемптон. Мурињо е реален околу можноста да се влезе во Лигата на шампионите.
„Почнав со -12 тука. Со -12, треба да вратите 12 поени, што е навистина многу. Можете да кажете дека пред три дена беа минус 3 и имаше шанси да биде нула и ќе бидете во право. Но, нема да победувате постојано, а другите постојано да губат. Кога ќе почне следната сезона со ист број на поени, ќе биде сосема поинаква приказна. Но, сега е тешко и фудбалерите го чувствуваат тоа. Нема да биде лесно и нема да се откажеме“, објаснува Мурињо.