Македонската репрезентација се подготвува за двата нови меча од квалификациите за Европското првенство во 2024 година, тешкиот дуел со Италија на домашен терен на 9 септември и дуелот со Малта, кој едноставно мораме да го добиеме.
Своите очекувања од натпреварот со европскиот првак, Италија ги сподели дефанзивецот, Висар Муслиу за веб-сајтот на ФФМ.
„Сакаме да се покажеме во најдобро светло, за разлика од последните натпревари. Мора да бидеме на високо ниво и тактички и физички. Италија секако има план за натпреварот, ние исто така. Страв нормално дека не постои, не играме прв пат против европскиот првак. Дуелите против Украина и Англија треба да ги заборавиме, повеќе боли мечот со Украина, отколку тој во Англија, но тоа е веќе минато. Мора да гледаме напред“, вели Муслиу.
Фото: ФФМ