На денешен ден, во 1986 година, легендарниот сер Алекс Фергусон бил именуван за менаџер на Манчестер јунајтед. На оваа позиција се задржал во наредните 27 години.
Тој 6.ноември 1986 година, кога отказ добил Рој Еткинсон, а клубот го назначил Шкотланѓанецот Фергусон, за многумина е почеток на ерата на современиот Манчестер јунајтед.
Фергусон на „Олд Трафорд“ пристигнал од Абердин, а во својот мандат како менаџер на Манчестер јунајтед освоил вкупно 38 трофеи, вклучувајќи 13 во Премиер лигата и два во Лигата на шампионите.
Манчестер јунајтед го предводел на 1.500 натпревари, на кои забележал 895 победи. Клубот го напушти по завршувањето на сезоната 2012/2013 откако претходно ја освои Премиер лигата.
Денес, Алекс Фергусон има 76 години, пред неколку месец доживеа мозочен удар, успеа да закрепне и од минатиот месец повторно се појавува на „Олд Трафорд“.